Verða fleiri framúrakstrar í Móna­kó?

Mónakóbrautin er þekkt fyrir að þar er lítið um framúrakstur. Með tímanum hafa Formúlu 1-bílarnir orðið stærri og breiðari sem gerir framúrakstur enn þá erfiðari. Sem dæmi voru aðeins fjórir framúrakstrar í allri keppninni í fyrra á meðan meðaltal framúrakstra á því tímabili var 66,9 framúrakstrar.

Ökumenn hafa kvartað mikið yfir nýju vélunum sem voru settar í bílana í byrjun tímabils. Það helsta sem þeir kvarta yfir er að þeir geti ekki notað orku úr rafmagnsmótornum allan hringinn og er því verið að takmarka hraða bílanna. Þessu verður hins vegar breytt fyrir Mónakókappaksturinn þar sem ökumenn eiga að geta notað rafmagnsorkuna allan hringinn.

Framúrakstrarnir í ár hafa einkennst af því að bílar eru oft að skipta um stöður sín á milli. Þessum framúrökstrum hefur verið líkt við leikfangið yo-yo þar sem bílarnir taka fram úr hvor öðrum til skiptis eins og leikfangið yo-yo.

Lewis Hamilton, sjöfaldur heimsmeistari í Formúlu 1, vonar að styrkleikar Ferrari bíls hans muni nýtast í Mónakó. Stærsti veikleiki Ferrari bílsins hefur verið kraftur vélarinnar en í Mónakó keppninni skiptir hann minna máli en í öðrum keppnum. Hamilton gekk til liðs við Ferrari á síðasta tímabili en er enn þá að bíða eftir fyrsta sigrinum sínum fyrir liðið.