Missti af verð­launa­palli og endaði í sjöunda sæti

Pierre Gasly ökumaður Alpine fagnaði vel og innilega yfir því að hafa náð að enda í þriðja sæti í Mónakókappakstrinum í gær. Þar sem liðið var ekki búið að segja honum var að Gastly var búinn að fá refsingu fyrir að keyra of hratt á þjónustusvæðinu.

Hann fékk tvær fimm sekúndna refsingar fyrir að keyra 0,1 kílómetra á klukkustund of hratt inni á þjónustusvæðinu. Refsingarnar færðu Gasly úr þriðja sætinu niður í það sjöunda.

Eftir að honum var sagt frá þessu var Gasly skiljanlega tilfinningaríkur enda mikil vinna sem fer í keppnir, sérstaklega á erfiðum brautum eins og Mónakó.

„Ég lifi fyrir þessi augnablik, en það er ömurlegt að vera refsað á ósanngjarnan hátt,“ sagði Gasly hundfúll eftir keppni.

Gasly er ekki sá eini sem fékk refsingu fyrir að keyra of hratt inni á þjónustusvæðinu en þeir voru fimm talsins. Ástæðan fyrir því að svona margir keyrðu of hratt er vegna þess að þeir styttu sér leið á þjónustusvæðinu. Þegar ökumenn gerðu það var eins og þeir keyrðu of hratt og voru því refsað.

Eftir keppni sást til Alpine mæla vegalengd þjónustusvæðisins. Eftir mælingarnar kærði Alpine niðurstöðu dómsins. Það gekk ekki hjá liðinu og dómurinn stendur.

Alpine eru sem stendur í fimmta sæti en með dómnum var liðið að missa af mikilvægum stigum í baráttu gegn RB sem er aðeins með tveimur stigum minna.