Valenzuela frá Venesúela dæmir hjá Norð­mönnum

Valenzuela hefur áður dæmt leik Ástralíu og Tyrklands (2-0) og Bosníu-Hersegóvínu og Katar (3-1) á mótinu.

Þessi 42 ára gamli dómari hefur verið FIFA-dómari síðan 2013 og hefur dæmt leiki á heimsmeistaramóti félagsliða, Copa América og á heimsmeistaramótinu í Katar.

Hann dæmdi tvo leiki á HM í Katar, markalaust jafntefli Englands og Bandaríkjanna í riðlakeppninni sem og 3-1 sigur Frakka á Pólverjum í sextán liða úrslitunum.

Í alþjóðlegum leikjum á vegum FIFA er hann með 3,11 gul spjöld og 0,11 vítaspyrnur að meðaltali í leik.

Á línunum hefur Valenzuela með sér landa sína Jorge Urrego og Tulo Moreno. Juan Gabriel Benitez frá Paragvæ verður fjórði dómari í leik Noregs en Eduardo Gardozo er varadómari.

Leikur Norðmanna og Fílabeinsstrandarinnar fer fram á morgun klukkan 17.00 að íslenskum tíma. Sigurvegarinn mætir annaðhvort Brasilíu eða Japan í sextán liða úrslitum keppninnar en þau lið mætast í dag.