Ætla að vinna saman til að reyna að skáka Antonelli

Kimi Antonelli var hraðastur allra í tímatökum fyrir breska kappaksturinn í gær. Hann mun því byrja kappaksturinn í dag fremstur en í næstu tveim sætum fyrir aftan byrja ökumenn Ferrari, þeir Charles Leclerc og Lewis Hamilton. Liðsfélagi Antonelli hjá Mercedes, George Russell, byrjar í fjórða sæti.

Búast má við mikilli baráttu um fyrsta sætið og stefnir enginn ökumaður á að gefa eftir. Staðan í heimsmeistaramóti ökumanna er jöfn og eru margir sem trúa að þeir geti unnið.

Lewis Hamilton, sem byrjar kappaksturinn þriðji, sagði í viðtali við Sky Sports eftir tímatökur að það væri gott að vera með báða Ferrari bíla í efstu þrem sætunum. Það gefur þeim tækifæri á að hafa hvorn bílinn á sinni áætlun og setja þannig pressu á Antonelli í fyrsta sætinu.

Til þess að það gangi upp þurfa Ferrari ökumennirnir að passa sig að vera ekki að berjast sín á milli. Það hægir á báðum bílunum og myndi gefa Antonelli tækifæri til að stinga af. Toto Wolff, liðsstjóri Mercedes, sagði í samtali við Sky Sports að Maður þarf að virða hraða Ferrari og þá sérstaklega Lewis Hamilton.

Hamilton er sigursælasti ökumaður breska kappakstursins en hann hefur unnið hann níu sinnum.

Kappaksturinn er sýndur í beinni útsendingu á Sýn sport Viaplay og hefst útsending klukkan hálf tvö.