Sport

Conor vill berjast aftur eftir 69 sekúndna bar­dagann

Ingvi Þór Sæmundsson skrifar
Conor McGregor er ekki af baki dottinn þrátt fyrir að endurkomubardagi hans hafi ekki farið vel.
Conor McGregor er ekki af baki dottinn þrátt fyrir að endurkomubardagi hans hafi ekki farið vel. getty/Ed Mulholland

Þrátt fyrir að hafa aðeins enst í 69 sekúndur í fyrsta bardaga sínum í fimm ár vill Conor McGregor berjast aftur.

Conor meiddist eftir aðeins 69 sekúndur í bardaganum gegn Max Holloway í Las Vegas um helgina. Þetta var fyrsti bardagi Írans síðan hann fótbrotnaði þegar hann mætti Dustin Poirier sumarið 2021.

Conor á einn bardaga eftir af samningi sínum við UFC og í færslu á Instagram kvaðst hann ætla að snúa aftur í átthyrninginn.

„Aðgerð. Endurhæfing. Snúa aftur til æfinga. Halda áfram. Síðasti bardagi samningsins. Dýrð sé Guði,“ skrifaði Conor.

Dana White, forseti UFC, segist hafa haft fimm andstæðinga í huga fyrir Conor ef hann hefði sigrað Holloway.

Sex ár eru liðin síðan Conor, sem fagnar 38 ára afmæli sínu í dag, vann síðasta bardaga sinn. Í janúar 2020 hafði hann betur gegn Donald Cerrone.

MMA

Tengdar fréttir

Mest lesið


Fleiri fréttir

Sjá meira


×

Mest lesið