Ítalía endurhugsar að ráða Pirlo vegna tengsla við Rúss­land

Eftir að hafa reynt að sækja Carlo Ancelotti og Pep Guardiola var Andrea Pirlo næstur í röðinni hjá ítalska knattspyrnusambandinu til að taka við sem þjálfari ítalska landsliðsins. Andrea Pirlo starfar nú sem þjálfari Dubai City í Sameinuðu arabísku furstadæmunum en einn af hluthöfum liðsins á einnig rússneskt veðmálafyrirtæki að nafni Fonbet.

Samkvæmt La Gazzetta dello Sport skrifaði Pirlo, á sama tíma og hann varð þjálfari Dubai City, undir samning við Fonbet um að verða andlit fyrirtækisins og birtast í auglýsingum. Nú er lagateymi Andrea Pirlo að vinna í því að losa hann frá samningnum en hann verður ekki ráðinn sem þjálfari ítalska landsliðsins með samninginn virkan.

Ef Pirlo nær að losa sig úr samningnum ætlar ítalska knattspyrnusambandið samt að endurhugsa ákvörðunina að ráða Pirlo. Samband Ítalíu og Rússlands hefur ekki verið gott síðan innrás Rússlands í Úkraínu hófst. Stjórnmálamenn á Ítalíu mæla gegn því að Pirlo verði ráðinn vegna tengsla hans við Rússland.