Hera bætti sau­tján daga Ís­lands­met sitt

Hera varð Íslandsmeistari í kringlukasti 26. júlí síðastliðinn. Hún kastaði þá 56,75 metra á Meistaramóti Íslands í Skógarseli í Mjóddinni.

Íslandsmetið sem Hera setti á Meistaramótinu stóð ekki lengi því hún bætti það á Héraðsmóti HSK í gær.

Hera kastaði þá 57,34 metra og bætti sautján daga Íslandsmet sitt um 59 sentímetra.

Hera hefur verið í mikilli sókn að undanförnu en hún hefur bætt Íslandsmetið í kringlukasti þrisvar á einu ári. Hún gerði það fyrst 26. ágúst í fyrra þegar hún kastaði 55,95 metra.

Hera bætti þá sjö ára gamalt Íslandsmet Thelmu Lindar Kristjánsdóttur um rúman metra.