Fleiri styðja UEFA frekar en Infantino

Á mánudaginn birti Evrópska knattspyrnusambandið, UEFA, opið bréf þar sem lýst var yfir vantrausti á störfum Gianni Infantino, forseta FIFA. Þetta var gert í ljósi tillögu hans um að selja heimsmeistaramótið í fótbolta til einkarekinna fjárfesta. Forsetar Concacaf og asíska knattspyrnusambandsins skrifuðu undir opna bréfið.

Knattspyrnusambönd í Bretlandi hafa hvert á fætur öðru dregið stuðning sinn við Infantino til baka og nú hefur Írland bæst í hópinn. Eftir heimsmeistaramótið virtist Írland ætla að halda stuðningi við Infantino áfram en nú hefur sambandinu snúist hugur.

Í bréfi írska knattspyrnusambandsins segist sambandið vera þakklátt fyrir hjálpina sem það hefur fengið frá FIFA. Þrátt fyrir það hafa stjórnarhættir og gagnsæi ekki verið nógu góð og því er stuðningurinn dreginn til baka.

Norður-írska knattspyrnusambandið hefur enn ekki formlega dregið stuðning sinn við Infantino til baka en sambandið styður sniðgöngu UEFA.

„Við erum meðvituð um framgöngu mála og áhyggjur í fótboltaheiminum. Við erum að hugsa málið vandlega og munum taka ákvörðun með samþykki stjórnarinnar og með alla starfsmenn meðvitaða.“