Dregur stuðning við Infantino til baka og krefst rann­sóknar

Þetta tilkynnir sambandið á vefsíðu sinni í dag.

„NZF telur að nú sé tækifæri fyrir alla meðlimi FIFA til að beita sér fyrir betri stjórnarháttum og aukinni ábyrgð og gagnsæi. Það er grundvallaratriði til að viðhalda trausti á stjórnun hins alþjóðlega leiks,“ skrifa þau.

Sambandið dregur stuðning sinn til baka eftir að það kom í ljós í lok júlí að FIFA vann að því að stofna viðskiptafyrirtæki sem ætti að gera einkafjárfestum kleift að kaupa sig inn í mót sambandsins.

FIFA og Infantino hafa sætt harðri gagnrýni í kjölfarið og hafa ákveðið að hætta við áætlanirnar.

Knattspyrnusamband Nýja-Sjálands telur að óháð rannsókn sé nauðsynleg til að endurheimta traust til alþjóðasambandsins.

„Við höfum krafist óháðrar rannsóknar því við viljum ekki sjá neins konar snögga innri hreinsun í þessu máli,“ segir Andrew Pragnell, forstjóri sambandsins, við fréttastofuna Reuters.

Knattspyrnusamband Eyjaálfu styður tillöguna um rannsókn en dregur ekki stuðning sinn við Infantino til baka af þeim sökum.