Bein út­sending: Opinn fundur um sam­spil stýrivaxta og verð­bólgu

Að því loknu flytur Jaya Sood, hagfræðingur hjá New Economics Foundation í Bretlandi, erindi um kosti og galla stýrivaxta sem stjórntækis til að ná tökum á verðbólgu. Að loknu erindi Sood fara fram pallborðsumræður. Eftir það tekur við pallborð með Ásgeiri Brynjari Torfasyni, ritstjóra Vísbendingar, Jóni Sigurðssyni, forstjóra Stoða, og Tómasi Brynjólfssyni, varaseðlabankastjóra fjármálastöðugleika.

Fundurinn verður haldinn í dag milli 11:00 og 12:30 í húsnæði VR, Kringlunni 7 (9. hæð) og fer fram á ensku og íslensku. Boðið verður upp á túlkun. Húsið verður opnað kl. 10:30 með léttum veitingum en hægt er að horfa á hann í beinu streymi að neðan. 

„Í tæp fjögur ár hafa stýrivextir verið mjög háir á Íslandi. Markmið hávaxtastefnunnar hefur verið að draga úr verðbólgu og koma henni að 2,5% verðbólgumarkmiði Seðlabankans. Þrátt fyrir langvarandi háa stýrivexti hefur það ekki gengið eftir og undanfarið ár hefur verðbólga farið hækkandi. Háir stýrivextir hafa margvísleg áhrif á bæði fólk og fyrirtæki. Þeir koma harðast niður á fólki með húsnæðisskuldir, leigjendum og barnafólki og gera að verkum að stéttarfélög þurfa að sækja frekari launahækkanir til að mæta óhóflegum húsnæðiskostnaði launafólks. Þeir valda atvinnuleysi og standa í vegi fyrir húsnæðisuppbyggingu og mikilvægum fjárfestingum fyrirtækja. Þess vegna er tímabært að staldra við og velta því upp hvort hávaxtastefnan þjóni tilgangi sínum,“ segir í tilkynningu um fundinn.

Dagskrá:

• Halla Gunnarsdóttir formaður VR setur fundinn.
• Jakob Tryggvason, formaður RSÍ, flytur stutt ávarp.
• Jaya Sood: „Eru háir stýrivextir alltaf besta svarið? Ólíkar leiðir í baráttunni við verðbólgu“. Opnað verður fyrir spurningar úr sal að erindi loknu.
• Halla Gunnarsdóttir stýrir pallborði sem í sitja:
• - Ásgeir Brynjar Torfason, ritstjóri Vísbendingar
• - Jón Sigurðsson, forstjóri Stoða
• - Tómas Brynjólfsson, varaseðlabankastjóri fjármálastöðugleika