Ágúst Orri mættur í hollensku úrvalsdeildina

Í kvöld tilkynnti Breiðablik að Ágúst Orri Þorsteinsson, sem er fæddur árið 2005, hefði farið í læknisskoðun í morgun hjá Excelsior og staðist hana. Í kjölfarið hefði hann skrifað undir samning við félagið og ef marka má á samfélagsmiðlum Excelsior mun samningurinn gilda til 2029.

Í Bestu deildinni í ár hefur Ágúst Orri skorað sex mörk og lagt upp fjögur til viðbótar. Einnig var hann mikilvægur í Evrópuleikjum Breiðabliks í sumar en í sumar hefur hann skorað samtals tíu mörk.

Excelsior endaði síðasta tímabil í þrettánda sæti hollensku úrvalsdeildarinnar af átján liðum. Nú þegar hefur liðið keppt tvo leiki á nýju tímabili og hefur unnið annan þeirra en tapað hinum. Síðasti leikur liðsins var gegn PSV Eindhoven sem vann leikinn 2-1.

Næsti leikur Excelsior er gegn nágrannaliðinu Sparta Rotterdam en bæði liðin eru frá sömu borg. Það má því búast við miklu sjónarspili í fyrsta leik Ágústar Orra sem leikmanns félagsins.