South Park verður South America

Þá hefur Trump einnig gefið til kynna að hann vilji breyta nafni ríkisins Nýja-Mexíkó yfir í Nýja-Ameríka.

Sjá einnig: Nafna­breytingaæði Trumps heldur á­fram

Augljóslega er um háð að ræða en í yfirlýsingu segjast þeir Trey Parker og Matt Stone hafa hlotið innblástur vegna hugrekkis og föðurlandsástar forsvarsmanna Apple og Google, sem hafa breytt áðurnefndum nöfnum á kortum sínum.

Færslu um breytinguna fylgja svo þakkir til Paramount og í stað þess að segja að Paramount sé í eigu Skydance, segir að það hafi gefist upp fyrir Skydance.

Bæði fyrirtækin eru í eigu David Ellison, bandamanns Trumps en samstæðan gæti bráðum orðið ein sú stærsta á sviði fjölmiðla í Bandaríkjunum, samþykki ríkisstjórn Trumps kaup hennar á Warner Bros Discovery.

Paramount gerði í fyrra stærðarinnar samning við South Park.

Þeir Parker og Stone, auk annarra sem að South Park koma, hafa gert mikið grín að Donald Trump á undanförnum árum. Sá hefur spilað stóra rullu í þáttum þeirra.

Þeir unnu á dögunum Emmy-verðlaun fyrir þættina og notuðu tækifærið til að tileinka Trump sigurinn.

Þeir birtu mynd af Trump haldandi á Emmy-verðlaunagrip, þar sem hann var með buxurnar á hælunum. Með myndinni fylgdi textinn: „Þú fékkst loksins Emmy“.

Eins og frægt er hefur Trump kvartað yfir því að þættir hans, The Apprentice, hafi aldrei unnið til Emmy-verðlauna.