Elvar með sex mörk í toppslagnum

Elvar skoraði sex mörk í leiknum og var næstmarkahæsti leikmaður Ribe-Esbjerg sem byrjaði leikinn betur og leiddi hann framan af í fyrri hálfleik.

Gæðin í liði GOG eru hins vegar mikil og tók stórliðið stjórnina á leiknum eftir því sem leið á og sigldi að lokum heim fimm marka sigrinum. 

Um sannkallaðan toppslag var að ræða en með sigrinum tyllir GOG sér í toppsæti dönsku úrvalsdeildairnnar og er þar með 13 stig eftir sjö umferðir, tveimur stigum meira en Ribe-Esbjerg í öðru sætinu. 

Elvar hefur byrjað tímabilið virkilega vel með Ribe-Esbjerg. Hann er stoðsendingahæsti leikmaður liðsins með alls 26 stoðsendingar í þessum fyrstu sjö umferðum.

Þá hefur hann skorað 32 mörk og er þar með þriðji markahæsti leikmaður liðsins til þessa.