Spænski boltinn

Fréttamynd

Sevilla burstaði Barcelona

Sevilla gerði sér í kvöld lítið fyirir og burstaði Evrópumeistara Barcelona 3-0 í árlegum leik um Ofurbikarinn í Evrópuboltanum. Sevilla var einfaldlega sterkara liðið á vellinum í Mónakó í kvöld og uppskar sanngjarnan sigur. Renato og Kanoute komu Sevilla í 2-0 í fyrri hálfleik og Maresca innsiglaði sigurinn með marki úr vítaspyrnu skömmu fyrir leikslok. Eiður Smári Guðjohnsen kom inn sem varamaður á 57. mínútu hjá Barcelona og spilaði ágætlega.

Fótbolti
Fréttamynd

Eiður Smári mættur til leiks

Eiður Smári Guðjohnsen er kominn inná sem varamaður á 57. mínútu í lið Barcelona í leiknum gegn Sevilla í Ofurbikarnum, en Sevilla hefur enn yfir 2-0. Eiður fékk marktækifæri eftir aðeins örfáar sekúndur en hafði ekki heppnina með sér. Leikurinn er sýndur beint á Sýn.

Fótbolti
Fréttamynd

Allir leikir Eiðs og félaga í beinni á Sýn

Sjónvarpsstöðin Sýn hefur tryggt sér áframhaldandi sýningarrétt á leikjum úr spænska boltanum í vetur og gildir nýr samningur til þriggja ára. Í vetur verða því fleiri beinar útsendingar en nokkru sinni áður úr spænska boltanum og þar af verða allir leikir Eiðs Smára Guðjohnsen og félaga í Barcelona sýndir beint.

Fótbolti
Fréttamynd

Juaquin til Valencia

Spænska stórliðið Valencia hefur náð samkomulagi við Real Betis um kaup á vængmanninum Juaquin fyrir um 25 milljónir evra ef marka má fréttir frá Spáni í dag. Sagt er að aðeins eigi eftir að ganga frá formsatriðum í samningi leikmannsins sem er til fimm ára. Juaquin var um tíma eftirsóttur af liðum í ensku úrvalsdeildinni og hafði Liverpool meðal annars verið á höttunum eftir spænska landsliðsmanninum.

Fótbolti
Fréttamynd

Íslendingar þekktari fyrir skíðagöngu en knattspyrnu

Á heimasíðu Barcelona er nú hægt að nálgast upplýsingar um feril Eiðs Smára Guðjohnsen sem knattspyrnumanns og þar kemur fram að hann hafi vissulega fetað í fótspor föður síns á knattspyrnuvellinum. Ekki virðast umsjónarmenn síðunnar vera jafn vel að sér í íslenskri íþróttasögu, því þar kemur fram að Íslendingar séu þekktari fyrir afrek sín í skíðagöngu en á knattspyrnuvellinum.

Fótbolti
Fréttamynd

Tilboði Atletico Madrid í Reyes hafnað

Spænska knattspyrnufélagið Atletico Madrid ætlaði sér að slá grönnum sínum í Real Madrid ref fyrir rass í gær með því að gera kauptilboð í spænska landsliðsmanninn Jose Anthonio Reyes hjá Arsenal, en himinn og haf er á milli þeirrar upphæðar sem enska félagið vill fá fyrir hann og þess sem Atletico er tilbúið að borga fyrir hann.

Fótbolti
Fréttamynd

Gravesen fer frá Real

Umboðsmaður danska landsliðsmannsins Thomas Gravesen hjá Real Madrid er nú staddur á Bretlandseyjum þar sem hann segist vera í viðræðum við nokkur félög með það í huga að koma leikmanninum frá spænska félaginu. Real er sagt vilja um 2 milljónir punda fyrir miðjumanninn og hefur hann helst verið orðaður við Glasgow Celtic í Skotlandi.

Fótbolti
Fréttamynd

Ronaldo á leið til AC Milan?

Forráðamenn spænska félagsins Real Madrid munu í dag hitta kollega sína hjá AC Milan þar sem rætt verður um hugsanleg kaup ítalska félagsins á brasilíska framherjanum Ronaldo. AC Milan tryggði sér í gærkvöld sæti í riðlakeppni meistaradeildarinnar og eru forráðamenn félagsins nú að leitast við að styrkja leikmannahóp sinn.

Fótbolti
Fréttamynd

Reyes fer ekki til Real Madrid

Arsene Wenger segir að ekkert verði af því fyrir lokun félagaskiptagluggans að Jose Antonio Reyes fari til Real Madrid eins og mikið hefur verið rætt um í fjölmiðlum undanfarnar vikur. Wenger segir að engin tilboð hafi borist frá spænska félaginu og því sé leikmaðurinn ekki að fara neitt.

Fótbolti
Fréttamynd

Annað áfallið fyrir Villareal á nokkrum dögum

Ekki er hægt að segja að leiktíðin byrji vel hjá Spútnikliði Villareal á Spáni, því í dag varð ljóst að franski miðjumaðurinn Robert Pires gæti misst af meiripartinum af tímabilinu vegna hnémeiðsla. Hann er annar miðjumaðurinn á fimm dögum sem liðið missir í hnémeiðsli, því áður hafði Gonzalo Rodriguez orðið fyrir sömu meiðslum.

Fótbolti
Fréttamynd

Auðvelt hjá Evrópumeisturunum

Evrópumeistarar Barcelona eru meistarar meistaranna á Spáni eftir öruggan 3-0 sigur á grönnum sínum í Espanyol í síðari leik liðanna í meistarakeppninni þar í landi. Deco skoraði tvö mörk í leiknum í kvöld, það síðara með glæsilegri hjólhestaspyrnu, og Xavi eitt. Eiður Smári Guðjohnsen spilaði síðari hálfleikinn með Barcelona, sem vann einvígið samanlagt 4-0.

Fótbolti
Fréttamynd

Eiður Smári spilar sinn fyrsta leik fyrir Barcelona

Síðari hálfleikur í viðureign Barcelona og Espanyol er nú að hefjast og þar hefur dregið til tíðinda því Eiður Smári Guðjohnsen var að koma inná sem varamaður fyrir Samuel Eto´o og er þar með að spila sinn fyrsta alvöru leik fyrir Katalóníurisann. Leikurinn er sýndur beint á Sýn Extra.

Fótbolti
Fréttamynd

Barcelona leiðir í hálfleik

Barcelona hefur yfir 2-0 þegar flautað hefur verið til hálfleiks í síðari leik liðsins við Espanyol um titilinn meistarar meistaranna á Spáni. Xavi og Deco skoruðu mörk Barcelona í upphafi hálfleiksins og mikið má vera ef landsliðsfyrirliðinn Eiður Smári Guðjohnsen fær ekki tækifæri í þeim síðari, en Barcelona er svo gott sem búið að tryggja sér sigur í keppninni. Leikurinn er sýndur beint á Sýn Extra.

Fótbolti
Fréttamynd

Töfrabrögðin byrjuð á Nou Camp

Síðari leikur Barcelona og Espanyol á Nývangi í Barcelona er nú nýhafinn, en þetta er síðari leikur liðanna í meistarakeppninni á Spáni. Það tók galdramanninn Ronaldinho ekki nema tæpar þrjár mínútur að leika uppi félaga sinn Xavi, sem skoraði með góðum skalla og kom Barca yfir. Eiður Smári Guðjohnsen er á varamannabekk Barcelona, sem þar með er komið yfir 2-0 samanlagt í einvíginu. Leikurinn er sýndur beint á Sýn Extra.

Fótbolti
Fréttamynd

Diarra gerir fimm ára samning við Real

Real Madrid hefur gert fimm ára samning við Malímanninn Mahamadou Diarra sem kemur frá frönsku meisturunum Lyon. Diarra verður formlega kynntur til leiks sem nýr leikmaður Real eftir helgina, en á að vísu eftir að standast læknisskoðun hjá spænska félaginu.

Fótbolti
Fréttamynd

Barcelona - Espanyol í beinni í kvöld

Síðari leikur Barcelona og Espanyol í meistarakeppninni á Spáni verður sýndur í beinni útsendingu á sjónvarpsstöðinni Sýn Extra í kvöld. Þetta er síðari leikur liðanna, en Barcelona vann þann fyrri 1-0 á útivelli. Eiður Smári Guðjohnsen er í leikmannahópi Börsunga í kvöld og fær vonandi að spreyta sig í fyrsta alvöru leik sínum með liðinu. Útsending á Sýn Extra hefst klukkan 19:55.

Fótbolti
Fréttamynd

Kallar Eið Smára "Blondie"

Samuel Eto`o, sóknarmaður Barcelona og Kamerún, hefur tekið upp gælunafnið ¿Blondie¿ (Ljóska) á Eið Smára Guðjohnsen, félaga sinn í framlínu spænska stórliðsins. Eto"o greindi frá þessu í samtali við spænska vefmiðil þegar hann var spurður út í nýjustu liðsmenn félagsins, þá Eið Smára, Lilian Thuram og Gianluca Zambrotta.

Fótbolti
Fréttamynd

Lyon samþykkir að selja Diarra

Frönsku meistararnir í Lyon hafa loks gefið eftir og hafa samþykkt að selja Malímanninn Mahamadou Diarra til Real Madrid. Talið er að kaupverðið sé um 17 milljónir punda, en Diarra hafði krafist þess að fá að fara til Spánar og hótaði að fara í verkfall ef forráðamenn franska félagsins yrðu ekki að kröfum hans.

Fótbolti
Fréttamynd

Forráðamenn Espanyol kæra Barcelona

Forráðamenn spænska knattspyrnufélagsins Espanyol sendu spænska knattspyrnusambandinu kærubréf skömmu fyrir fyrri leik liðsins gegn Barcelona í meistarakeppninni í gær, því þeir segja granna sína hafa brotið reglur FIFA þegar þeir tefldu þeim Xavi og Carles Puyol fram í leiknum.

Fótbolti
Fréttamynd

Ósáttur við vinnubrögð Real Madrid

Arsene Wenger er lítt hrifinn af vinnubrögðum stjórnar spænska knattspyrnufélagsins Real Madrid og segir endalausar yfirlýsingar félagsins um leikmannakaup koma sér afar illa fyrir leikmenn annara liða.

Fótbolti
Fréttamynd

Barcelona lagði Espanyol

Barcelona er í ágætum málum í meistarakeppninni á Spáni eftir 1-0 sigur á grönnum sínum í Espanyol í fyrri viðureign liðanna í kvöld, en leikurinn fór fram á heimavelli Espanyol. Ludovic Giuly skoraði sigurmark Barca rétt áður en flautað var til leikhlés eftir frábæran undirbúning Ronaldinho, en Eiður Smári Guðjohnsen fékk ekki tækifæri með liðinu að þessu sinni. Liðin eigast við öðru sinni á Nou Camp á sunnudag og verður sá leikur einnig sýndur beint á Sýn.

Fótbolti
Fréttamynd

Barcelona yfir í hálfleik

Barcelona hefur yfir 1-0 gegn Espanyol þegar flautað hefur verið til leikhlés í viðureign liðanna um meistarabikarinn á Spáni. Það var Ludovic Giuly sem skoraði mark Börsunga á 43. mínútu eftir glæsilegan undirbúning Brasilíumannsins Ronaldinho. Eiður Smári Guðjohnsen er á varamannabekk Barcelona og kemur vonandi við sögu í síðari hálfleik. Leikur kvöldsins er sýndur beint á Sýn, líkt og síðari leikur liðanna á heimavelli Barcelona á sunnudaginn.

Fótbolti
Fréttamynd

Eiður Smári á bekknum

Eiður Smári Guðjohnsen er á varamannabekk Barcelona í kvöld þegar liðið mætir Espanyol í meistarakeppninni á Spáni sem er árleg viðureign Spánar- og bikarmeistaranna. Leikurinn er sýndur í beinni útsendingu á sjónvarpsstöðinni Sýn.

Fótbolti
Fréttamynd

Eiður Smári í leikmannahópi Barcelona

Eiður Smári Guðjohnsen verður í leikmannahópi Spánar- og Evrópumeistara Barcelona í kvöld þegar liðið tekur á móti Espanyol í meistarakeppninni sem markar upphaf keppnistímabilsins þar í landi. Þeir Gianluca Zambrotta og Lilian Thuram eru einnig í leikmannahópi Barcelona, en þeir komu til félagsins fyrir skömmu líkt og Eiður Smári.

Fótbolti
Fréttamynd

Barcelona - Espanyol í beinni í kvöld

Fyrsti alvöruleikur Eiðs Smára Guðjohnsen með Evrópumeisturum Barcelona verður sýndur í beinni útsendingu á Sýn í kvöld klukkan 20. Hér er á ferðinni viðureign Spánar- og bikarmeistara Barcelona og Espanyol. Það verður hinn óviðjafnanlegi Guðjón Guðmundsson sem lýsir leiknum og hefst útsendingin klukkan 19:50.

Fótbolti
Fréttamynd

Diarra er efstur á óskalistanum

Ramon Calderon, forseti spænska knattspyrnufélagsins Real Madrid, segir það algjört forgangsatriði fyrir félagið að landa afríska miðjumanninum Mahamadou Diarra frá franska liðinu Lyon. Real hefur einnig mikinn áhuga á að fá Jose Reyes frá Arsenal, en þó komi það ekki til greina nema Arsenal samþykki að selja hann á hóflega upphæð.

Fótbolti
Fréttamynd

Nýr samningur í sjónmáli fyrir Beckham

Forráðamenn Real Madrid segja stutt í að samningur David Beckham verði framlengdur við félagið og gæti nýr samningur náð allt fram til ársins 2009. Beckham gekk í raðir Real árið 2003 og líkar lífið vel á Spáni með fjölskyldu sinni. Hann mætti raunar of seint á æfingu liðsins í gærkvöldi eftir að hafa verið í heimalandi sínu að fylgjast með leik Englendinga og Grikkja og gæti átt yfir höfði sér sekt vegna þessa.

Fótbolti
Fréttamynd

Meiddist lítillega á ökkla

Fernando Torres, leikmaður Atletico Madrid á Spáni, meiddist lítillega í leik Íslands og Spánar á Laugardalsvelli í fyrrakvöld. Hann snerist á ökkla í fyrri hálfleik en hélt engu að síður áfram.

Fótbolti
Fréttamynd

Newcastle eða Celtic?

Newcastle United og Glasgow Celtic eru bæði talin vera að berjast um danska miðjumanninn Thomas Gravesen sem leikur með Real Madrid.

Fótbolti
Fréttamynd

Stoltur af 100 leikjum

Landsliðsfyrirliði Spánar, Madrídingurinn Raul Gonzalez, sagði í samtali við spænska fjölmiðla eftir leikinn gegn Íslandi í fyrrakvöld að hann væri stoltur af 100 landsleikjum sínum fyrir Spán. "Ég var mjög hamingjusamur og stoltur," sagði kappinn. "Það er mjög mikilvægt fyrir mig að hafa náð þessum áfanga. Það var synd að úrslit leiksins hafi ekki verið betri en þetta var erfitt fyrir okkur."

Fótbolti

Mest lesið