Eriksson í viðræðum við Benfica

Fréttastofa BBC greinir frá því í kvöld að Sven-Göran Eriksson sé í viðræðum við Benfica.

Framtíð hans hjá Manchester City er í mikilli óvissu þar sem eigandi liðsins, Thaksin Shinawatrs, er sagður ætla að reka hann í lok leiktíðarinnar.

Enskir fjölmiðlar, þeirra á meðal BBC, hafa það eftir sínum heimildum. Einnig mun City hafa rætt við Luis Felipe Scolari um að taka við liðinu.

Talsmaður Benfica vildi ekkert tjá sig um málið og ekki náðist í umboðsmann hans í kvöld.

Eriksson hefur tvívegis áður þjálfað lið Benfica.