Guðni vildi ekki víkja Siv 23. ágúst 2004 00:01 Guðni Ágústsson, varaformaður Framsóknarflokksins, segir þá ákvörðun þingflokksins að Siv Friðleifsdóttir skyldi víkja úr ríkisstjórn hafa valdið mikilli ólgu innan flokksins. Hann leggur áherslu á að þetta hafi ekki verið sú leið sem hann vildi fara. Siv Friðleifsdóttir var ekki valin til áframhaldandi setu í ríkisstjórninni á fundi þingflokks Framsóknarflokksins á fimmtudaginn. Sú ákvörðun að hún skyldi vera látin víkja fimmtánda september í skiptum fyrir forsætisráðuneytið hefur valdið reiði meðal margra Framsóknarmanna. Flestar konur telja að það sé gengið fram hjá hæfri konu og ýmsir segja að völdin í flokknum séu að færast á hendur fárra einkavina Halldórs Ásgrímssonar. Guðni Ágústsson, varaformaður Framsóknarflokksins, er ósáttur við að gagnrýni sé sögð beinast gegn flokksforystunni því Siv sé hluti af henni. Hún sé ritari flokksins og sitji því í forystunni ásamt Guðna og Halldóri. Hann segir málið snúast um það að Halldór hafi lagt fram tillögu um að Siv skyldi víkja, eftir að hann hafi rætt við alla þingmenn flokksins. Guðni segir tillöguna svo hafa verið samþykkta eins og alltaf í þessum efnum. Guðni segir hin hörðu viðbrögð við brottvikningu Sivjar ekki hafa komið sér á óvart vegna hinnar sterku jafnréttisáætlunar flokksins. Hann segir Siv ungan og glæsilegan ráðherra sem hafi staðið sig vel og því séu miklar tilfinningar í málinu. Aðspurður hvort hann sé á því að ákvörðunin um að víkja Siv úr ríkisstjórninni hafi verið rétt segir Guðni að þurft hafi að leita að niðurstöðu sem ekki væri aðeins til að sætta þingflokkinn, heldur gæti gengið í flokkinn allan sem sáttatillaga. Því miður hafi það ekki verið raunin og því mikilvægt að leita nú leiða til sátta. Spurður hvort hann sé þar með að segja að ekki hafi verið rétt að víkja Siv úr ríkisstjórninni segist Guðni fyrst og fremst vera að segja að tillagan hafi ekki verið hans. Hún hafi komið frá Halldóri Ásgrímssyni og óþekkt sé annað en að stuðningur sé við tillögu formannsins. Hann segir að hins vegar hefði ennfremur þurft að leita tillögu sem flokksheildin væri sátt við. Aðspurður hvort hann hafi stutt tillögu formannsins segir Guðni svo vera. Sú kenning hefur verið viðruð opinberlega að Árni Magnússon félagsmálaráðherra, sem búsettur er í Hveragerði, hafi augastað á fyrsta sæti lista flokksins í Suðurkjördæmi og jafnvel varaformannsembættinu. Guðni Ágústsson leiðir sem kunnugt er lista Framsóknar í Suðurkjördæmi og hann er líka varaformaður flokksins. Hann segist ekki telja neinar líkur á því að Árni ætli í „heilagt stríð“ við sig. Þeir séu samherjar í flokknum og það megi segja að félagsmálaráðherra hafi upphaflega komið inn í stjórnmál fyrir tilstilli Guðna. Aðspurður hvort honum finnist að sín staða innan Framsóknarflokksins hafi veikst eftir að ákvörðunin um brottvikningu Sivjar hafi verið tekin segist Guðni ekki telja það. Allar skoðanakannanir frá því hann varð varaformaður og ráðherra hafi sýnt að staða hans sé mjög sterk. Að sögn Guðna er mikil ólga innan flokksins og nú sé því tímabært að setjast niður, marka skýra áætlun til framtíðar og hlusta á allar raddir innan Framsóknarflokksins. Spurður hvort hann hafi lagt fram aðra tillögu en að víkja Siv úr ríkissstjórn, meðal annars til að koma hugsanlega í veg fyrir nefnda ólgu, segist Guðni hafa átt trúnaðarsamtal við Halldór Ásgrímsson en hann vildi ekki gefa upp hvað þeim fór á milli. Fréttir Innlent Stj.mál Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Það er ódýrast og best og fljótlegast að kála þessum dýrum“ Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Hafa „góða hugmynd“ hvar og hvenær stúlkunni var ráðinn bani Innlent Frambjóðandi Trump lýsti sér sem „svörtum nasista“ á klámsíðu Erlent Fleiri fréttir Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Sjá meira
Guðni Ágústsson, varaformaður Framsóknarflokksins, segir þá ákvörðun þingflokksins að Siv Friðleifsdóttir skyldi víkja úr ríkisstjórn hafa valdið mikilli ólgu innan flokksins. Hann leggur áherslu á að þetta hafi ekki verið sú leið sem hann vildi fara. Siv Friðleifsdóttir var ekki valin til áframhaldandi setu í ríkisstjórninni á fundi þingflokks Framsóknarflokksins á fimmtudaginn. Sú ákvörðun að hún skyldi vera látin víkja fimmtánda september í skiptum fyrir forsætisráðuneytið hefur valdið reiði meðal margra Framsóknarmanna. Flestar konur telja að það sé gengið fram hjá hæfri konu og ýmsir segja að völdin í flokknum séu að færast á hendur fárra einkavina Halldórs Ásgrímssonar. Guðni Ágústsson, varaformaður Framsóknarflokksins, er ósáttur við að gagnrýni sé sögð beinast gegn flokksforystunni því Siv sé hluti af henni. Hún sé ritari flokksins og sitji því í forystunni ásamt Guðna og Halldóri. Hann segir málið snúast um það að Halldór hafi lagt fram tillögu um að Siv skyldi víkja, eftir að hann hafi rætt við alla þingmenn flokksins. Guðni segir tillöguna svo hafa verið samþykkta eins og alltaf í þessum efnum. Guðni segir hin hörðu viðbrögð við brottvikningu Sivjar ekki hafa komið sér á óvart vegna hinnar sterku jafnréttisáætlunar flokksins. Hann segir Siv ungan og glæsilegan ráðherra sem hafi staðið sig vel og því séu miklar tilfinningar í málinu. Aðspurður hvort hann sé á því að ákvörðunin um að víkja Siv úr ríkisstjórninni hafi verið rétt segir Guðni að þurft hafi að leita að niðurstöðu sem ekki væri aðeins til að sætta þingflokkinn, heldur gæti gengið í flokkinn allan sem sáttatillaga. Því miður hafi það ekki verið raunin og því mikilvægt að leita nú leiða til sátta. Spurður hvort hann sé þar með að segja að ekki hafi verið rétt að víkja Siv úr ríkisstjórninni segist Guðni fyrst og fremst vera að segja að tillagan hafi ekki verið hans. Hún hafi komið frá Halldóri Ásgrímssyni og óþekkt sé annað en að stuðningur sé við tillögu formannsins. Hann segir að hins vegar hefði ennfremur þurft að leita tillögu sem flokksheildin væri sátt við. Aðspurður hvort hann hafi stutt tillögu formannsins segir Guðni svo vera. Sú kenning hefur verið viðruð opinberlega að Árni Magnússon félagsmálaráðherra, sem búsettur er í Hveragerði, hafi augastað á fyrsta sæti lista flokksins í Suðurkjördæmi og jafnvel varaformannsembættinu. Guðni Ágústsson leiðir sem kunnugt er lista Framsóknar í Suðurkjördæmi og hann er líka varaformaður flokksins. Hann segist ekki telja neinar líkur á því að Árni ætli í „heilagt stríð“ við sig. Þeir séu samherjar í flokknum og það megi segja að félagsmálaráðherra hafi upphaflega komið inn í stjórnmál fyrir tilstilli Guðna. Aðspurður hvort honum finnist að sín staða innan Framsóknarflokksins hafi veikst eftir að ákvörðunin um brottvikningu Sivjar hafi verið tekin segist Guðni ekki telja það. Allar skoðanakannanir frá því hann varð varaformaður og ráðherra hafi sýnt að staða hans sé mjög sterk. Að sögn Guðna er mikil ólga innan flokksins og nú sé því tímabært að setjast niður, marka skýra áætlun til framtíðar og hlusta á allar raddir innan Framsóknarflokksins. Spurður hvort hann hafi lagt fram aðra tillögu en að víkja Siv úr ríkissstjórn, meðal annars til að koma hugsanlega í veg fyrir nefnda ólgu, segist Guðni hafa átt trúnaðarsamtal við Halldór Ásgrímsson en hann vildi ekki gefa upp hvað þeim fór á milli.
Fréttir Innlent Stj.mál Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Það er ódýrast og best og fljótlegast að kála þessum dýrum“ Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Hafa „góða hugmynd“ hvar og hvenær stúlkunni var ráðinn bani Innlent Frambjóðandi Trump lýsti sér sem „svörtum nasista“ á klámsíðu Erlent Fleiri fréttir Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Sjá meira