Jón Arnar hættur vegna meiðsla

Tugþrautarkappinn, Jón Arnar Magnússon, hefur lokið keppni á Ólympíuleikunum. Hann var í 19. sæti eftir þrjár greinar en vegna tognunar í aftanverðu læri var sú ákvörðun tekin, í samráði við Brynjólf Jónsson, lækni, að ráðlegast væri að hætta keppni. Þetta eru gífurlega vonbrigði fyrir Jón sem stefndi hátt á þessum leikum: „Þetta er sorglegt af því að ég var heill fyrir leikana og ætlaði að gera vel á mínum síðustu leikum,“ sagði Jón Arnar Magnússon í samtali við Vísi.