Mourinho vill Crespo aftur

Framkvæmdastjóri Cheslea, Portúgalinn Jose Mourinho, hefur sagt að hann vilji fá Hernan Crespo aftur á Stamford Bridge næsta tímabil. Þessi argentínski sóknarmaður er sem stendur á árs lánssamning hjá AC Milan eftir að hann náði sér ekki á strik hjá Chelsea í fyrra. Á Ítalíu hefur Crespo hins vegar fundið fjölina á ný og hefur sjálfur sagt að hann vilji vera áfram hjá Milan, en félagið hefur einnig mikinn áhuga á að halda Crespo. Mourinho telur Argentínumanninn hins vegar eiga framtíð fyrir sér hjá Chelsea. ,,Það eru miklar líkur á að hann komi aftur," sagði Mourinho. ,,Hann hefur átt gott tímabil og ég vil að hann komi aftur. Milan mun þurfa að punga út háum fjárhæðum ef þeir vilja kaupa hann."