Gunnar yfirgefur frjálslynda

Gunnar Örlygsson, þingmaður Frjálslynda flokksins, hefur ákveðið að ganga úr flokknum og sækja um inngöngu í Sjálfstæðisflokkinn. Guðjón Arnar Kristjánsson, formaður Frjálslynda flokksins, segir Gunnar hafa skýrt sér frá því í fyrradag að hann teldi ástæðu til að skoða sína stöðu í flokknum; hans staða væru sú að ef til vill væri best fyrir hann að yfirgefa flokkinn. Aðspurður hvort eitthvað hafi komið upp á segist Guðjón ekki geta gefið skýringar á því sem Gunnar taki sér fyrir hendur. Hann segir hins vegar rétt að taka fram að það voru ekki kjósendur Sjálfstæðisflokksins sem kusu Gunnar á þing.