Beita skal öllum ráðum

Jacques Chirac Frakklandsforseti og Gerhard Schröder, kanslari Þýskalands, voru sammála um að berjast yrði gegn hryðjuverkum með öllum tiltækum ráðum þegar þeir fordæmdu árásirnar í samtölum við fjölmiðla í gær. Þeir vottuðu bresku þjóðinni samúð sína. "Ég fann fyrir miklum hryllingi þegar ég heyrði af hryðjuverkaárásunum sem lituðu bresku höfuðborgina blóði í morgun. Ég vil að Lundúnabúum og allri bresku þjóðinni sé ljós sú samstaða, samúð og vinarþel sem Frakkland og franska þjóðin ber til ykkar á þessum erfiðu tímum," sagði Chirac.