Valsstúlkur með fullt hús stiga

Valur vann KA/Þór 28-19 í lokaleik dagsins í DHL deild kvenna í handbolta í dag. Alla Gokorian var markahæst Valskvenna með 6 mörk og Hafrún Kristjánsdóttir fimm. Berglind Hansdóttir fór á kostum í marki Vals og varði 23 skot. Inga Dís Sigurðardóttir var markahæst hjá KA/Þór með 8 mörk og Sigurbjörg Hjartardóttir varði 19 skot í marki norðanstúlkna. Valsstúlkur eru með fullt hús stiga eftir fjóra leiki eða 8 stig en KA/Þór hefur tapað þremur leikjum af fjórum.