Yfir 150 keppendur í kata

Meistaramót barna í kata stendur nú yfir í Fylkishöllinni í Árbæ. Rúmlega 150 keppendur eru skráðir til keppni en þeir eru á aldrinum 6-12 ára. Keppt verður í kata og hópkata en gert var ráð fyrir að verðlaunaafhending færi fram um klukkan hálf þrjú í dag.

Mótið í ár er fámennara en áður vegna þess að 13 ára árgangurinn keppir núna á unglingameistaramótinu sem haldið verður í Smáranum 5. mars. Það var líf og fjör í Fylkishöllinni í morgun þegar karatefólkið sýndi listir sínar eins og sást á myndum í íþróttafréttum á NFS í dag.