Martin O´Neill á ekki að taka við Englendingum

Bryan Robson er mótfallinn því að Martin O´Neill verði ráðinn landsliðsþjálfari Englands í knattspyrnu, því hann sé ekki enskur. Robson vill að heimamaður fái starfið og bendir á að enskir þjálfarar hafi náð ágætum árangri með liðið í gegn um tíðina.

"Ég vil að Englendingur fái starfið og það útilokar vissulega Martin O´Neill, því hann er ekki enskur. Sjáið bara árangurinn sem Bobby Robson og Terry Venables náðu með enska landsliðið. Ég tel að heimamaður gæti auðveldlega náð fínum árangri með liðið, því að mínu mati eru nógu góðir þjálfarar á Englandi til að taka við liðinu," sagði Robson.