Svartsýnn á að Shearer nái sér

Freddy Shepherd hjá Newcastle segist óttast að ferli Alan Shearer sé lokið eftir að hann meiddist á hné í leik gegn Sunderland um helgina, en bætir við að hann muni þó aldrei afskrifa mann eins og Shearer. Aðeins þrír leikir eru eftir af tímabilinu og það kemur væntanlega í ljóst á fimmtudag hvort fyrirliðinn hefur spilað sinn síðasta leik á ferlinum.

"Við getum ekki séð hversu alvarleg meiðsli hans eru fyrr en á fimmtudaginn, því hann er nokkuð bólginn á hnénu. Ég er ekki sérlega bjartsýnn á að hann spili meira á leiktíðinni - en maður má aldrei afskrifa mann eins og Alan Shearer," sagði Shepherd.