Íhugar málsókn vegna meiðsla Diaby

Arsene Wenger er langt frá því að vera runnin reiðin vegna meiðsla Abou Diabi í leiknum gegn Sunderland á dögunum, þegar Dan Smith hjá Sunderland stórslasaði Diaby með glórulausri tæklingu undir lok leiksins. Diaby verður fyrir vikið ekki meira með Arsenal á leiktíðinni því hann er mikið meiddur á ökkla.

"Ég er að leita ráða hjá lögmönnum vegna þessa atviks og er að íhuga að fara með þetta lengra. Það er fásinna að maðurinn hafi aðeins fengið gult spjald fyrir þessa árás - þar sem hreinn og klár ásetningur var að baki tæklingunni. Að mínu mati ætti leikmaðurinn að fara í bann í þann tíma sem Diaby verður frá vegna meiðsla," sagði Wenger.