Chelsea staðfestir áhuga sinn á Shevchenko

Forráðamenn Chelsea hafa nú staðfest það í samtali við breska fjölmiðla að félagið hafi áhuga á úkraínska framherjanum Andriy Shevchenko hjá AC Milan og reyni væntanlega að fá hann í sínar raðir í sumar.

"Við eigum möguleika á að næla í Shevchenko, en allt þarf að ganga upp í sumar ef svo á að vera. Ég mundi líta þannig á að það væru helmingslíkur á því að krækja í hann," sagði Peter Kenyon, stjórnarformaður félagins. Jose Mourinho hefur viðurkennt að hann hafi mikinn áhuga á að fá framherjann til Chelsea, enda sé hann alltaf á höttunum eftir heimsklassa leikmönnum.