Úrslitaleikurinn skiptir öllu máli

Arsene Wenger viðurkennir að hann hafi nokkrar áhyggjur af því hvað muni gerast í leikmannamálum hjá félaginu í sumar en menn eins og Ashley Cole og Thierry Henry hafa mikið verið orðaðir við stóru félögin á Spáni. Wenger segir þó að í dag sé enginn að hugsa um neitt annað en að sigra í úrslitaleik meistaradeildarinnar á miðvikudag.

"Það eru nokkur atriði sem enn eru óleyst, en þau eru ekki til umræðu núna. Það sem skiptir öllu máli núna er að við förum saman til París og vinnum úrslitaleikinn og þegar það er afstaðið, er hægt að skoða þessi mál betur," sagði Wenger.