Rosicky til Arsenal

Arsenal hefur fengið til sín tékkneska miðjumanninn Tomas Rosicky frá Dortmund í Þýskalandi og skrifaði hann undir langtímasamning við félagið í dag. Kaupverðið hefur ekki verið gefið upp, en hinn 25 ára gamli og smávaxni leikmaður á eflaust eftir að styrkja Lundúnaliðið mikið.

"Þetta er frábær dagur fyrir mig. Ég er mjög ánægður að vera kominn til Arsenal, sem er besta knattspyrnufélag Evrópu. Ég mun leggja mig allan fram við að standa mig," sagði Rosicky, sem kostaði Dortmund 18 milljónir punda á sínum tíma þegar hann kom frá Sparta Prag í heimalandi sínu, en það var metfé í þýsku úrvalsdeildinni á sínum tíma.