Dickov kominn aftur heim

Skoski framherjinn Paul Dickov hefur gert tveggja ára samning við gamla félagið sitt Manchester City eftir að hann var látinn fara frá Blackburn á dögunum. "Ég er í skýjunum yfir að vera kominn aftur í City og ég veit að menn segja alltaf svona hluti þegar þeir ganga til liðs við nýtt félag, en ég er í raun stuðningsmaður City og börnin mín líka, svo að þetta er sannkallaður draumur fyrir mig," sagði Dickov.

Dickov lék með Manchester City á árunum 1996-2002 og sagðist aldrei hafa viljað fara frá félaginu yfir höfuð. Hann er 33 ára gamall og fyrrum landsliðsmaður Skotlands.