Næsti Tiger Woods kominn fram?

Bandarískur drengur á þriðja ári gæti hæglega orðið næsti Tiger Woods í golfinu ef hann heldur áfram að æfa sig. Brayden Bozak er ef til vill sá yngsti í heimi til að leggja stund á golf og það kemur líkast til á óvart að hann sveiflar kylfunni eins og atvinnumaður. Brayden segist vona að hann geti farið út í atvinnumennskuna áður en hann lýkur grunnskóla. Brayden kann að vera góður í golfi en hann drekkur þó enn úr pela og gengur um með bleyju. Faðir Braydens segist ekki vilja þrýsta um of á strákinn sinn en segir að vel verði fylgst með því hvernig leikur hans þróast.