Herforingjastjórnin tekin að styrkja völd sín

Leiðtogar hersins í Taílandi hófu í morgun að styrkja völd sín eftir að Thaksin Shinawatra, forsætisráðherra Taílands, var steypt af stóli í herforingjabyltingu í gær.

Talsmenn hersins segja valdaránið hafa verið nauðsynlegt vegna spillingar ríkisstjórnarinnar og lýðræði verði komið aftur á hið fyrsta. Herlög gilda nú í landinu og hefur allur gagnrýninn fréttaflutningur verið bannaður. CNN og aðrar alþjóðlegar sjónvarpsstöðvar hafa verið bannaðar og taílenskar sjónvarpsstöðvar sýna aðeins myndir af konugsfjölskyldunni og spila þjóðernissöngva.