Avion framlengir tilboð í frystigeymslufyrirtæki

Avion Group tilkynnti í dag að tilboð félagsins í allt hlutafé kanadíska frystigeymslufyrirtækisins Atlas Cold Storage Income Trust, sem átti að renna út föstudaginn 22. september, verði framlengt til föstudagsins 6. október 2006.

Í tilkynningu frá félaginu til Kauphallar Íslands segir að tilboðið hafi upprunalega verið tilkynnt 3. ágúst 2006 og var það sent hluthöfum Atlas þann 17. ágúst sama mánaðar. Skilmálar tilboðsins eru óbreyttir, að því er segir í tilkynningunni.