Faldi sig í helli

Kínverskur maður hefur gefið sig fram við lögreglu eftir að hafa falið í helli í tæpan áratug. Maðurinn, Liu Yong sem er 35 ára og búsettur í borginni Fuzhou í suð-austur hluta Kína, gróf hellinn í hól í bakgarði sínum og hefur haldið þar til í átta ár.

Hann dró fataskáp fyrir hellismunnann til að koma í veg fyrir að vart yrði við felustaðinn. Liu Yong yfirgaf hellinn að degi til og fór inn í hús sitt til að þvo sér, lesa og horfa á sjónvarp. Að kveldi fór hann svo aftur í hellinn sinn.

Liu Yong segist hafa verið að fela sig fyrir innheimtumönnum auk þess sem hann er sakaður um að hafa ógnað fólki sem kom að heimili hans með byssu.