Íranir og Rússar í kjarnorkudeilu

Íranir neita fullyrðum rússneskra embættismanna að þeir standi ekki við greiðslur vegna vinnu við Bushehr kjarnorkuverið sem nú er verið að reisa í suðurhluta Íran. Rússneskir embættismenn hafa varað við seinkun á afhendingu úraneldsneytis standi Íranir ekki við greiðslurnar. Íranir segja að þeir hafi staðið við sinn hluta samningsins.

Afhending úraneldsneytisins á að hefjast í mars og var gert ráð fyrir að kjarnorkuverið gæti hafið framleiðslu á raforku í nóvember.

Yfirvöld í Rússlandi studdu takmarkaðar refsiaðgerðir Sameinuðu Þjóðanna í fyrra gegn Írönum þegar þeir neituðu að hætta auðgun úrans.