Átta látnir í sprengingu í Yemen

Maður sprengdi sig í loft upp í bíl á ferðamannastað nærri fornu musteri Yemen í dag. Átta létu lífið, sex spænskir ferðamenn og tveir Yemenar.  Sjö spánverjar til viðbótar særðust í árásinni.

Vitni segja að bílnum hafa verið ekið í gegnum hlið og síðan hafi hann sprungið nærri musterinu.

Enginn hefur lýst tilræðinu á hendur sér en lögreglan í héraðinu Mareb hefur greint frá því að henni hafi borist upplýsingar um mögulega al-Qaida árás í síðasta mánuði.

Al-Qaida samtökin hafa haft viðveru í Yemen en Osama bin Laden er ættaður þaðan.