Erlent

Búið að finna gallann í Dash 8 vélunum

Óli Tynes skrifar
Dash 8 skrúfuþota.
Dash 8 skrúfuþota.

Framleiðandi Dash 8 vélanna sem SAS flugfélagið kyrrsetti í vikunni segir að búið sé að finna gallann sem olli því að hjólabúnaður vélanna brást ítrekað. Kanadiski framleiðandinn Bombardier segir að viðgerð sé tiltölulega einföld og hægt verði að aflétta farbanninu jafnvel strax á mánudaginn.

Tvær SAS vélar af Dash 8 gerð brotlentu með nokkurra daga millibili í síðustu viku. Önnur í Danmörku og hin í Litháen. Engin alvarleg slys urðu á fólki. Upplýst var að viðverandi vandamál hefðu verið með hjólabúnað þessara véla og eftir brotlendingarnar voru þær kyrrsettar.

Vegna þessa þurfti SAS að aflýsa hundruðum flugferða og tap félagsins var áætlað 150 milljónir króna á dag.

 

 

Erlent

Mest lesið


Fleiri fréttir

Sjá meira


×

Mest lesið