Kristján Örn í aðgerð í næstu viku

Kristján Örn Sigurðsson fer í næstu viku í aðgerð vegna beinbrots í augntóftinni sem hann hlaut í landsleik Íslands og Danmerkur í síðasta mánuði.

Hann á enn við sjóntruflanir að stríða en þó er búist við því að hann geti byrjað að æfa með norska úrvalsdeildarliðinu Brann strax eftir áramót.

Þó er óvíst hvenær hann verði orðinn leikfær á nýjan leik en þó er talið ólíklegt að hann missi af fyrstu leikjum Brann í norsku úrvalsdeildinni í mars næstkomandi.

Einnig er með öllu óvíst hvort hann geti tekið þátt í æfingamóti á Möltu með íslenska landsliðinu sem fer fram í byrjun febrúar á næsta ári.