Hjón í skotbardaga

Eiginkonan lá dauð eftir þegar hjón í New Hampshire í Bandaríkjunum lentu í skotbardaga eftir hávært rifrildi. Karen og Gary Dion áttu heimili sitt í í Newbury. Eftir rifrildið rauk hinn 37 ára gamli Gary út í innkeyrsluna að húsinu til þess að ryðja hana með snjóblásara.

Karen sem var 38 ára kom þá út á svalirnar með haglabyssu og skaut á hann. Gary fór í bílinn þar sem hann geymdi skammbyssu og svaraði skothríðinni. Eitthvað hefur bardaginn borist um heimilið því Karen var ekki skotin á svölum hússins heldur við bílskúrinn.

Þegar hún lá í valnum hrindi Gary sjálfur í lögregluna. Hún hefur nú rannsókn málsins með höndum, en Gary hefur enn ekki verið kærður fyrir að skjóta eiginkonuna til bana.