Enn tapar Sundsvall

Sundsvall tapaði í dag fyrir toppliði Kalmar í sænsku úrvalsdeildinni í fótbolta, 3-0.

Hannes Þ. Sigurðsson og Ari Freyr Skúlason voru báðir í byrjunarliði Sundsvall og léku allan leikinn. Sverrir Garðarsson var hins vegar ekki í leikmannahópi liðsins vegna meiðsla.

Hannes lék í fremstu víglínu en Ari á vinstri kantinum.

Kalmar er nú átta stigum á undan Elfsborg í efsta sæti deildarinnar. Helgi Valur Daníelsson og félagar í Elfsborg eiga þó tvo leiki til góða en þessi tvö lið eru komin með myndarlega forystu á toppi deildarinnar.

Tveir leikir fara fram síðar í dag í deildinni.