Pálmi Rafn æfir með Djurgården

Pálmi Rafn Pálmason, leikmaður Vals, æfir nú til reynslu hjá sænska úrvalsdeildarfélaginu Djurgården.

Sigurður Jónsson er þjálfari liðsins en fyrir er Sölvi Geir Ottesen á mála hjá félaginu. 

Pálmi lék hverja einustu mínútu með Val í bæði deild og bikar í sumar en liðið hampaði Íslandsmeistarartitlinum í haust.

Hann skoraði fjögur mörk í deildinni í sumar og á að baki samtals 67 leiki og 16 mörk í efstu deild með Val og KA. Hann kom til Vals fyrir tímabilið 2006.

Pálmi Rafn er 23 ára gamall.