Federer kláraði Blake

Roger Federer komst í undanúrslit opna ástralska meistaramótsins í tennis með 3-0 sigri á Bandaríkjamanninum James Blake í dag.

Blake veitti Federer verðuga samkeppni í fyrstu tveimur lotunum sem sá síðarnefndi vann þó á endanum, 7-5 og 7-6. Federer kláraði svo þriðju lotuna nokkuð örugglega, 6-4.

Hann mætir Serbanum Novak Dokovic í undanúrslitum einliðaleiks karla á föstudagsmorgun.

Dokovic vann í nótt sigur á Spánverjanum David Ferrer í þremur lotum, 6-0, 6-3 og 7-5.

Í fyrramálið fer fram fyrri undanúrslitaviðureignin þegar Rafael Nadal mætir Frakkanum Jo-Wilfried Tsonga sem hefur komið mjög á óvart á mótinu.

Fyrirfram voru þeir Federer, Nadal og Dokovic taldir vera þrír sterkustu keppendur mótsins.

Tsonga komst hins vegar ekki á lista yfir 32 sterkustu leikmenn mótsins.