Muhammad Ali hefði óttast Klitschko

Þjálfari úkraínska hnefaleikarans Vladimir Klitschko segir að goðsögnin Muhammad Ali hefði orðið hræddurv við að mæta honum í hringnum.

Klitschko mætir Sultan Ibragimov í Madison Square Garden á laugardagskvöldið í stærsta þungavigtarbarda síðustu ára, þar em Ibragimov leggur WBO titil sinn að veði gegn IBF titli Klitschko.

"Vladimir er búinn að bæta fótavinnu sína gríðarlega og er eins og stór köttur í hringnum. Ég held að hann sé fyllilega á pari við stóru meistara síðustu ára og menn eins og Lennox Lewis, Mike Tyson og Evander Holyfield hefðu átt fullt í fangi með hann. Ég held meira að segja að stungurnar hans hefðu gert sjálfan Muhammad Ali ráðvilltan," sagði þjálfari Klitschko.

Bardaginn verður sýndur á sjónvarpsstöðinni Sýn á laugardagskvöldið.