Elfsborg vann Djurgården

Sigurður Jónsson og lærisveinar hans í Djurgården töpuðu 0-2 á heimavelli fyrir Elfsborg í sænska boltanum í dag. Helgi Valur Daníelsson lék allan leikinn á miðjunni hjá Elfsborg.

Sundsvall vann Norrköping 2-0 á útivelli en bæði mörkin komu undir blálok leiksins. Ari Freyr Skúlason lék allan leikinn fyrir Sundsvall og þeir Gunnar Þór Gunnarsson og Garðar Gunnlaugsson léku allan leikinn fyrir Norrköping sem er í neðsta sæti deildarinnar.

Þá vann Kalmar 5-1 útisigur á Gefle og Halmstad og Hammarby gerðu jafntefli 1-1. Kalmar er efst í deildinni með 28 stig en Elfsborg er í öðru sæti með 25 stig. Djurgarden er í áttunda sætinu.