Árni Gautur hélt hreinu hjá Odd Grenland

Notodden og Odd Grenland skildu í dag jöfn í marklausum leik í norsku B-deildinni í knattspyrnu. Árni Gautur Arason lék allan leikinn í marki Odd Grenland.

Árni Gautur gekk til liðs við Odd Grenland í lok síðasta mánaðar og hefur nú haldið hreinu í tveimur leikjum í röð. Hann fékk á sig þrjú mörk í fyrsta leiknum en hefur nú haldið hreinu í 209 mínútum sem hljóta að vera jákvæðar fréttir fyrir íslenska landsliðið.

Odd Grenland er nú í efsta sæti deildarinnar með 50 stig eftir 23 leiki en Start er í öðru sæti, tveimur stigum á eftir og á tvo leiki til góða. Það þarf þó mikið að gerast ef Árni Gautur og félagar eiga ekki að fara upp í haust.