Samningar um bardaga Haye og Vitali Klitschko á lokastigi

Allt bendir nú til þess að Bretinn David „Hayemaker" Haye fái loksins langþráðan möguleika á beltabardaga gegn WBC þungavigtarmeistaranum Vitali Klitschko en Haye varð að draga sig út úr bardaga gegn IBF og WBO þungavigtarmeistaranum Wladimir Klitschko, yngri bróður Vitali, í júní vegna bakmeiðsla.

„Bakið á mér í komið í fínt stand og ég hef verið að þyngja æfingarnar frá viku til viku. Ég get ekki beðið eftir því að tilkynningar um bardagann við Vitali verða staðfestar. Bardaginn verður örugglega í Þýskalandi og þá er bara spurningin um að fara þangað og klára verkefnið," segir Haye.

Líklegt er talið að bardaginn fari fram um miðjan september í Gelsenkirchen í Þýskalandi.