Eli Manning orðinn launahæsti leikmaður NFL-deildarinnar

Eli Manning, leikstjórnandi New York Giants, hefur skrifað undir nýjan sex ára samning við félagið sem er metinn á 97 milljónir dollara. Manning ætti að fá 15.3 milljónir dollara á ári næstu sex árin.

Hinn 27 ára gamli Manning er þar með orðinn launahæsti leikmaður deildarinnar.

Manning átti eitt ár eftir af gamla samningnum en vildi ólmur vera áfram hjá liðinu sem hann leiddi óvænt til sigurs í deildinni árið 2008.

Manning fær 9,4 milljónir dollara á þessu ári en síðan hækkar hann rækilega í launum.