Kærðu liðin fá að keppa

Toyota. Brawn og Williams Toyota liðin munu öll keppa í kappakstrinum í Melbourne á sunnudaginn. Fjögur önnur lð kærðu þessi lið og vildu meina að búnaður liðanna væri ólöglegur að hluta. Dómarar FIA töldu bílanna löglega.

Renault, Red Bull, BMW og Ferrari hafa áfrýjað úrskurði dómara og verður það mál tekið fyrir af áfrýjunardómstíli FIA eftir nokkrar vikur. Liðin þrjú munu því keppa með bíla sína óbreytta í næstu tveimur mótum, en keppt er í Malasíu um næstu helgi.

Ólafur Guðmundsson er einn þriggja dómara á mótinu í Ástralíu. Hann sagði í samtali við Stöð 2 Sport að það væri fullkomlega eðlilegt að liðin kærðu, þar sem reglur um búnað bílanna væru nokkuð óljósar að hluta. Kærur væru besta leiðin til að hreinsa andrúmsloftið og engin illvilji væri á milli keppnisliðanna.