Bröndby úr leik í bikarnum

Bröndby er úr leik í dönsku bikarkeppninni eftir að liðið gerði 1-1 jafntefli við Danmerkurmeistara Álaborgar í síðari viðureign liðanna í undanúrslitum keppninnar.

Liðin gerðu 3-3 jafntefli í fyrri viðureign liðanna sem fór fram á heimavelli Bröndby. Álaborg komst því í úrslitaleikinn á fleiri mörkum skoruðum á útivelli.

Álaborg mætir FC Kaupmannahöfn í úrslitum bikarkeppninnar á Parken þann 21. maí næstkomandi. FCK vann samanlagðan 6-1 sigur á Nordvest FC í undanúrslitunum.

Stefán Gíslason var í byrjunarliði Bröndby í kvöld.