Alonso eygir enn Ferrari sæti 2010

Ferrari vill ná í Fernando Alonso fyrir árið 2010 og skipta honum út fyrir Kimi Raikkönen sem hefur ekki unnið mót síðan í Barcelona 2008. Svo mæla fróðir menn hjá Autosport stærsta Formúlu 1 riti heims, en Toyota hefur boðið Raikkönen starf á næsta ári og Brawn liðið hefur líika borið víurnar í hann.

Vandamál Ferrari er að Raikkönen er með samning við liðið til loka 2011 og vill fá sín laun og ekkert múður sem búið er að semja um, eða 30 miljón evrur. Raikkönen hefur neitað Toyota, en fulltrúar hans hafa rætt við Brawn liðið. Það er hins vegar ólíklegt að Brawn menn hafi nægilegt fjármagn til að greiða laun Raikkönen að óbreyttu.

Spænski bankinn Santander verður styrktaraðili Ferrari á næsta ári og vill Spánverjann Alonso um borð í bílinn, rétt eins og þegar hann var hjá McLaren. Ef Raikkönen heldur fast í samningin, þá gæti Felipe Massa þurft að færa sig um set í stað Alonso. Renault hefur áhuga á Massa í stað Alonso, ef hann færir sig um set.

Talið er líklegt að Nico Rosberg fari yfir til BMW á næsta ári í stað Nick Heidfeld og við hlið Robert Kubica. Þá hefur Heikki Kovalainen ekki staðið sig nógu vel hjá McLaran og spurning hvað verður um hann. En lykillinn að ökumannsmarkaðnum fyrir næsta ár er hvað Raikkönen gerir. Til viðbótar verða þrjú ný lið á næsta ári sem skapar sex ný ökumannssæti í Formúlu 1.

Hvað þetta ár varðar, þá er hætta á að Nelson Piquet sé að missa sæti sitt til varaökumannsins Romain Groesjan, eftir slaka frammistöðu. Nú þegar hefur Sebastain Bourdais verðinn látinn fara frá Torro Rosso í stað Jamie Alguersuari.

Sjá ítarlegan ökumannslista