Rúrik Gíslason í liði mánaðarins í dönsku úrvalsdeildinni

Danska Tipsbladet hefur valið Rúrik Gíslason í lið ágústmánaðar í dönsku úrvalsdeildinni en Rúrik hefur leikið frábærlega með Odense Boldklub. Rúrik fór á kostum í landsleik Íslendinga og Norðmanna á laugardaginn og sýndi þá hversu öflugur leikmaður hann er orðinn.

Tipsbladet segir í umfjöllun sinni um Rúrik að hann hafi þegar unnið hug og hjörtu stuðningsmanna OB og að það sé erfitt að sjá hvað stoppi hann. Rúrik er hrósað bæði fyrir sóknarleik og varnarleik og Tipsbladet er á því að kaup OB hafi þegar borgað sig. Odense Boldklub keypti Rúrik frá Viborg FF í haust.

Odense Boldklub er sem stendur í 3.til 4. sæti deidlarinnar þremur stigum á eftir toppliði AGF. Rúrik er einn af þremur liðsmönnum OB sem er í liði ágústmánaðar en hinir eru varnarmaðurinn Espen Ruud og sóknarmaðurinn Peter Utaka.

Lið ágústmánaðar í dönsku úrvalsdeildinni:

Markmaður:

Karim Zaza, AaB

Varnarmenn:

Espen Ruud, OB

Nicolai Höegh, Esbjerg

Kjetil Wæhler, AaB

Michael Lumb, AGF

Miðjumenn:

Fabinho, HB Køge

Jakob Poulsen, AGF

Jeseper Jörgensen, Esbjerg

Rúrik Gíslason, OB

Sóknarmenn

Ailton, FC Kaupmannahöfn

Peter Utaka, OB